BMT-nin İnsan Hüquqları Şurasının yüksək səviyyəli iclası çərçivəsində Ermənistan Respublikasının xarici işlər naziri Ararat Mirzoyan fevralın 28-də BMT-nin Cenevrə ofisinin baş direktoru Tatyana Valovaya ilə görüşüb.
XİN-dən verilən məlumata görə, tərəflər Ermənistanla BMT-nin Cenevrə ofisi arasında səmərəli əməkdaşlıqdan məmnunluq ifadə ediblər. Ararat Mirzoyan BMT-nin İnsan Hüquqları Şurasının fəaliyyətinə əhəmiyyət verərək, Ermənistanın üzv dövlət kimi insan hüquqlarının, əsas azadlıqların qorunması və təşviqinə, həmçinin demokratik dəyərlərin möhkəmləndirilməsinə sadiqliyini vurğulayıb.
Nazir Mirzoyan Artsaxda 44 günlük müharibənin yaratdığı humanitar problemlərə və onların həlli istiqamətində atılan addımlara toxundu. Bu kontekstdə XİN rəhbəri Dağlıq Qarabağda əhalinin əsas hüquq və azadlıqlarının tam şəkildə həyata keçirilməsi üçün zəruri olan beynəlxalq dəstəyin və şəraitin təmin edilməsini vacib sayıb.
Xarici işlər naziri beynəlxalq ixtisaslaşmış təşkilatların, o cümlədən BMT-nin müvafiq qurumlarının Artsaxa maneəsiz girişinin və humanitar missiyaların həyata keçirilməsinin zəruriliyini vurğulayıb.
