Ermənistanın Ombudsmanı Kristine Qriqoryan Fransa Respublikasının Ermənistandakı fövqəladə və səlahiyyətli səfiri Ann Luyonu qəbul edib. Ombudsman İnsan Hüquqları Müdafiəçisinin bir sıra prioritetlərini təqdim edib.
Görüş zamanı tərəflər ikitərəfli əməkdaşlığın bir sıra prioritetlərini – istər Ermənistanda, istərsə də xaricdə insan hüquqlarının müdafiəsinin ümumi vəziyyəti, xüsusən də Ukraynada ermənilərin hüquqlarının müdafiəsi ilə bağlı geniş spektrli məsələləri müzakirə ediblər.
Ombudsman həmçinin ötən həftə Artsaxa səfəri nəticəsində qeydə alınan faktları səfirlə bölüşüb. Kristine Qriqoryan Xramort və Norşendə baş vermiş son hadisələrə toxunaraq qeyd etdi ki, Azərbaycan silahlı qüvvələrinin erməni kəndlərinin əhalisinin normal həyatını pozmağa yönəlmiş təxribatları xüsusi narahatlıq doğurur.
Ombudsman vurğuladı ki, bu, davamlı, mütəşəkkil, bir nöqtəli siyasətin nəticəsidir. Bu siyasətin sübutu iki erməni hərbi əsir İşxan Sargsyan və Vladimir Rafaelyanın məhkəmələridir. Bakıda onlar 19 il və18 ilədək həbs cəzasına məhkum olunublar. Ombudsman qeyd edib ki, bunlar süni məhkəmələrdir və bu, Cenevrə Konvensiyasının kobud şəkildə pozulmasıdır.
Görüşün sonunda Ombudsman Fransa səfiri və səfirlik ilə əməkdaşlığını yüksək qiymətləndirib. Tərəflər insan hüquqlarının müdafiəsi, sahələri genişləndirmək sahəsində əməkdaşlığa hazır olduqlarını bir daha təsdiqləyiblər.
