İqtisadiyyat nazirinin müavini Arman Xocoyan bildirib ki, hazırda Ermənistanda ərzaq çatışmazlığı və ya təhlükəsi yoxdur.
Nazir müavini qeyd edib ki, dünyada taxıl istehsalı təxminən 720-760 milyon ton təşkil edir ki, bunun da təxminən 14-15 faizi Rusiya və Ukraynanın payına düşür.
“Söhbət buğdadan gedir. Rusiya 76-80 milyon ton, Ukrayna isə 30 milyon ton istehsal edir. Təxminən 80 milyon ton istehsal edən Rusiya 25-30 milyon ton ixrac edir. Ermənistanda 100 min tona yaxın istehsal olunursa, ötən il bu, 97 min ton olub. Tələbimiz 360-380 min tondur. Ötən il idxalın həcmi 275 min ton olub”, – deyən nazir qeyd edib ki, Ermənistan demək olar ki, bütün buğdanı Rusiyadan idxal edir.
Rusiyanın martın 15-dən avqustun 31-dək AİԲ ölkələrinə taxıl ixracına məhdudiyyət qoyduğunu nəzərə alaraq, Ermənistanın indi Rusiyadan taxıl idxal etmək imkanı varmı sualına cavab olaraq Arman Xocoyan bildirib ki, rusiyalı həmkarları ilə müzakirələr zamanı onlar əmin ediblər ki, bu qərarın yeganə məqsədi Rusiyadan taxılın üçüncü ölkəyə təkrar ixracının qarşısını almaqdır.
“Bizim idxal tələbimizlə bağlı Rusiya ilə razılaşmamız olacaq. Rusiya sadəcə olaraq spekulyativ hərəkətlərin olmasını istəmir.
Nazir müavini qeyd edib ki, söhbət ondan gedir ki, Rusiyadan taxıl alan ölkə onu başqa ölkəyə ixrac etməyəcək.
