Qərb Rusiyaya qarşı təkcə iqtisadi alətlərlə mübarizə aparırmır. Bu mübarizə sadəcə iqtisadi müharibə ilə məhdudlaşmır, Rusiyanın təsirinin böyük olunduğu bütün sahələr hücuma məruz qalır. Bunu “Rusiya qlobal siyasətdə” jurnalının baş redaktoru Fyodor Lukyanov deyib.
“Azərbaycan təklifləri ilə bağlı Ermənistanın ATƏT Minsk qrupuna müraciəti, Fransanın Qafqazda fəallaşması, Paşinyanın Parisə səfəri, ABŞ dövlət katibi Antoni Blinken və Fransa xarici işlər nazirinin Ermənistan və Azərbaycan liderləri ilə danışıqları, bütün bunlar çox gözlənilən idi. Biz çox yaxşı anlayırıq ki, Qərb Rusiyanı bütün mümkün vektorlarda mümkün qədər zəiflətmək istəyir. Bu baxımdan da onlar Cənubi Qafqazdakı problemlərin siyasi həlli təşəbbüsü ilə çıxış etməyə çalışırlar”,- deyə o vurğuladı.
Ekspertin sözlərinə görə, Moskvada bütün bunları görürlər, təhlil edirlər, nəticə çıxarırlar, lakin eyni zamanda, kifayət qədər əmin şəkildə davranırlar.
O, Ukraynada müharibənin başa çatması perspektivlərinin Qafqazın perspektivləri ilə bir-birinə bağlı olduğunu qeyd edərək, Rusiyanın Cənubi Qafqazda təsirinin bərabərləşdirilməsinin, onun ATƏT-in Minsk Qrupundan çıxmasının mümkünsüzlüyünü qeyd etdi.
Qərbin təkcə Ukraynada deyil, Rusiyanın digər təsir dairələrində də möhkəmlənmək istəyini qeyd edən Lukyanov bu kontekstdə Cənubi Qafqazın rolunu da vurğuladı.
“ATƏT MQ-nin imkanlarını itirməsinə səbəb olan 44 günlük müharibəni uduzmaqla Qərb faktiki olaraq Qarabağ münaqişəsinin həllində iştirakdan məhrum oldu. İndi də o, Ermənistan və Azərbaycanla əməkdaşlıq edərək rolunu bərpa etməyə çalışır. Ama formalaşmış mövcud reallıqları, o cümlədən 44 günün nəticələrini ləğv etmək o qədər də asan olmayacaq. Rusiyanın regionda mövcudluğu, region ölkələri ilə münasibətləri var və bunu neytrallaşdırmaq çox çətin olacaq. ABŞ və Avropa Birliyi Ukraynadakı müharibəyə güvənir, ondan istifadə etməyə çalışır, lakin müharibə müvəqqətlidir. Buna görə də, hesab etmirəm ki, onların hesablamaları məqsədəuyğundur ya da həyata keçirilməsi üçün böyük şansları var”, – deyə ekspert vurğuladı.
