Rusiya 2020-ci ilin payızında Dağlıq Qarabağ münaqişəsi zonasında atəşkəsin təsdiq olunmasında əsas rol oynayıb. Bunu Ermənistanın xarici işlər naziri Ararat Mirzoyan Rusiyanın xarici işlər naziri Sergey Lavrovla geniş tərkibdə görüşün əvvəlində deyib.
“Əminik ki, Rusiya sülhməramlı qüvvələrinin Dağlıq Qarabağdakı səmərəli fəaliyyəti Dağlıq Qarabağda atəşkəsin möhkəmləndirilməsi və təxribatların qarşısının alınması, normal həyatın bərpası, sabitliyin təmin edilməsi və regionumuzda təhlükəsizliyin maraqlarına xidmət edəcək. Biz Rusiyanın vasitəçilik səylərini, o cümlədən ATƏT-in Minsk qrupunun həmsədri kimi səylərini yüksək qiymətləndiririk”- deyə nazir qeyd edib.
Mirzoyan diplomatik əlaqələrin qurulmasının 30 illiyi və Dostluq, əməkdaşlıq və qarşılıqlı yardım müqaviləsinin 25 illiyi kontekstində Ermənistan-Rusiya münasibətlərinin müttəfiqlik xarakterinə uyğun olaraq bütün tədbirlərin lazımi səviyyədə keçirilməsi üçün səylər göstərməyə hazır olduğunu qeyd edib.
Son illərdə Ermənistan-Rusiya dövlətlərarası münasibətləri müttəfiqlik əməkdaşlığının keyfiyyətcə yeni səviyyəsinə çatdırılıb, bu, yüksək və ən yüksək səviyyələrdə fəal dialoq, KTMT, Aİİ, MDB və digər beynəlxalq təşkilatlar çərçivəsində sıx əməkdaşlıq, hərbi-siyasi və hərbi-texniki sahələrdə qarşılıqlı əməkdaşlıq, geniş hüquq-müqavilə sahəsinin təkmilləşdirilməsi, ticarət-iqtisadi, regionlararası və humanitar sahələrdə səmərəli əməkdaşlıq ilə seçilir.
“Aydındır ki, ikitərəfli əməkdaşlığın gündəliyi əvvəlki kimi doludur və qarşıdan gələn görüşə düzgün hazırlaşmaq lazımdır” – deyə Mirzoyan bildirib.
