Birləşmiş Ştatlar Cənubi Qafqazda dinc, demokratik və firavan gələcək qurma məsələsinə sadiq qalır.
Bu barədə ABŞ Dövlət Departamentinin mətbuat xidməti “Lurer”-in ABŞ-ın ATƏT-in Minsk Qrupunun həmsədrlik mandatına uyğun olaraq Dağlıq Qarabağın hərtərəfli nizamlanmasına sadiq olub-olmaması ilə bağlı sualına cavab olaraq bildirib.
“Lurer” Moskvada Ermənistan xarici işlər naziri Ararat Mirzoyanla keçirdiyi mətbuat konfransında Rusiyanın xarici işlər naziri Sergey Lavrovun bəyanatına da toxunub.
“Biz Ermənistan və Azərbaycanı diplomatik təmaslarını aktivləşdirməyə, Dağlıq Qarabağ münaqişəsi və ya onun nəticələrinə dair hərtərəfli həll yollarını tapmaq üçün birbaşa əlaqə üçün mövcud mexanizmlərdən istifadəni davam etdirməyə, hərtərəfli sülh sazişi əldə etməklə münasibətləri normallaşdırmağa çağırırıq”, – deyə cavab məktubunda bildirilir.
Vurğulanıb ki, Birləşmiş Ştatlar bu təşəbbüslərdə, o cümlədən ATƏT-in MQ imkanları çərçivəsində Ermənistan və Azərbaycana kömək etmək öhdəliyinə sadiq qalır.
