Goris-Kapan yolu bağlı deyil – İran yük maşınları Bakı rüsumlarına görə keçmir

Syunik rayonunun Goris-Kapan yolu Azərbaycana rüsum ödəmək şərti ilə yük maşınları üçün açıqdır.

Qeyd edək ki, “Hraparak” qəzetinin yaydığı məlumata görə, Goris-Kapan yolunda Azərbaycan silahlı qüvvələrinin yola beton sədlər və tikanlı məftillər çəkməsi səbəbindən nəqliyyatın hərəkəti dayandırılıb. Sübut kimi foto դա dərc edilib. Bu xəbəri digər KİV də yayıb.

Yerli sakinlər isə “Sputnik Armenia”-ya məlumatın həqiqətə uyğun olmadığını bildiriblər. Məsələ odur ki, Azərbaycan keçid məntəqəsini keçmək üçün böyük gömrük rüsumu aldığı üçün İran (bəzən də Gürcüstan) yük maşınları bu yoldan istifadəni demək olar ki, dayandırıb.

O ki qaldı yolun kənarına qoyulan beton maneələrə, onlar çoxdan quraşdırılıb ki, maşınlar sürəti aşağı salsın. Bu maneələr yolu tam bağlamayıb və nəzarəti gücləndirmək üçün təxminən bir neçə həftə əvvəl tikanlı məftillər çəkilib. Yoldan keçən avtomobilin sənədləri yoxlanıldıqdan sonra tikanlı məftillər yoldan çıxarılır və yük maşınlarının keçməsinə icazə verilir.

Qeyd edək ki, yolda təkcə Azərbaycan deyil, həm də Rusiya sərhədçilərinin keçid məntəqələri yerləşir.