Aprelin 14-də Ermənistan parlamentinin sədr müavini Ruben Rubinyan ATƏT-in Minsk qrupunun fransalı həmsədri Bris Rokfo ilə görüşüb.
“Mən Fransanın ATƏT-in Minsk qrupunun həmsədri kimi Dağlıq Qarabağ münaqişəsinin sülh yolu ilə həllinə daimi dəstəyini yüksək qiymətləndirirəm”, – Rubinyan deyib.
Tərəflər 44 günlük müharibədən sonra bölgədə yaranmış vəziyyəti müzakirə ediblər.
Görüş zamanı həmsöhbətlər Ermənistan-Türkiyə münasibətlərinin normallaşması prosesi ilə bağlı fikir mübadiləsi aparıblar.
