Sülh yolunda bunu tək etməyəcəyik, Rusiya bu prosesdə iştirak edəcək, məncə Rusiya maraqlıdır, Rusiya dəfələrlə bəyan edib ki, regionumuzda sülhün bərqərar olmasında maraqlıdır. Bu barədə ER Təhlükəsizlik Şurasının katibi Armen Qriqoryan İctimai TV-də Ermənistan Azərbaycanla sülh əldə etdikdə nə baş verəcək sualını cavablandırarkən bildirib
“Rusiya cəlb olunacaq, bizim düşündüyümüz təhlükəsizlik zəmanətləri, biz Rusiyanın həmin təhlükəsizlik arxitekturasının tikintisində iştirakını görürük. Mən hesab edirəm ki, uzunmüddətli həll olduğu halda belə bir məsələ yaranmamalıdır”, – deyə o bildirib.
O qeyd edib ki, biz o təhlükəsizlik təminatları haqqında düşünməliyik. “Fikirləşsək, heç olmasa bir müddət təhlükəsizlik təminatı baxımından beynəlxalq mövcudluq olmalıdır. Hesab edirəm ki, Rusiya da uzunmüddətli perspektivdə məsələnin həllində maraqlı olmalıdır. Rusiya burada fəal iştirak edir, fikrimcə, Rusiyada belə məsələlər yaranmamalıdır”.
Aparıcı Ermənistan-Azərbaycan sülh prosesinə kimin rəhbərlik etdiyini soruşub, Armen Qriqoryan cavabında deyib ki, bu proses Ermənistanla Azərbaycan tərəfindən idarə olunur, Rusiya, Aİ və ABŞ isə dəstək verirlər.
“Əlbəttə, geosiyasi məsələlərə görə Minsk Qrupu daxilində müəyyən fikir ayrılıqları var, lakin qlobal miqyasda bu prosesə görə ilkin cavabdeh təbii olaraq Yerevan və Bakıdır, biz həll yollarını tapmağa çalışırıq”, – deyə o əlavə edib ki, birbaşa Ermənistan-Azərbaycan dialoq davamlı olacaq.
