Rusiya ilə Qərb arasındakı soyuq müharibə, şübhəsiz ki, onlar arasında müxtəlif regionlarda geosiyasi rəqabəti tamamilə yeni konfiqurasiyaların formalaşmasına qədər dəyişir. Bu fikri “Armİnfo”ya Rusiya Elmlər Akademiyasının Dünya İqtisadiyyatı və Beynəlxalq Münasibətlər İnstitutunun baş elmi işçisi Viktor Nadein Rayevski deyib.
“Aydındır ki, bu cür konfiqurasiyaların yaranmasına səbəb Ukrayna və bu gün Ukrayna ətrafında baş verən hər şeydir. Xüsusilə, Qərb Ukraynadan əvvəl, hətta Rusiya ilə kifayət qədər gərgin münasibətlərdə belə, Cənubi Qafqazda Rusiyanın təsirini tanıyırdı. Müvafiq olaraq, o, Qarabağ münaqişəsinin əsas moderatoru kimi Moskva ilə əməkdaşlıq edirdi. Bu gün həmin konfiqurasiya artıq mövcud deyil və Qərb artıq özünü həm regionda, həm də münaqişədə əsas xarici oyunçu kimi yerləşdirir”- deyə o qeyd edib.
Cənubi Qafqazda geosiyasi tarazlığın pozulmasını fakt kimi qeyd edən Nadein Rayevski Moskvanın ilk sanksiyalar dalğasından və onu müşayiət edən sarsıntıdan qurtulmaq üçün göstərdiyi səy və cəhdləri qeyd edib. Onun sözlərinə görə, Rusiyanın zəifləməsi bu gün hamıya, ilk növbədə Türkiyəyə sərfəlidir. Müvafiq olaraq, bu gün o, Ermənistanla Azərbaycan arasında sülh müqaviləsinin hazırlanması üçün bu və ya digər vasitəçinin imkanlarını proqnozlaşdırmaqda çətinlik çəkir.
Ekspertin fikrincə, Rusiyanı bu və ya digər şəkildə hesablardan silmək ən azı tezdir. Çünki hətta müharibə Rusiyanı öz milli təhlükəsizlik maraqlarını unutmağa, Aİ-nin Cənubi Qafqazda yeganə moderator olmasına imkan verməyə məcbur etməyəcək. Buna uyğun olaraq, AB və Rusiyanın regionda təsir mübarizəsi davam edəcək.
Rayevskinin fikrincə, Moskva tərəflər arasında gözlənilən sülh sazişinin imzalanması baxımından Dağlıq Qarabağ münaqişəsində moderatorluğunu davam etdirmək əzmini artıq nümayiş etdirib və öz maraqlarına zidd olan istənilən prosesi əngəlləməyə qadirdir.
