ABŞ Administrasiyası münaqişənin yenidən başlanmasına səbəb olan addımların qarşısını almaq üçün Ermənistan və Azərbaycanla danışıqlar aparır. Bu barədə ABŞ dövlət katibi Entoni Blinken bildirib.
Nümayəndələr Palatasının Xarici Əlaqələr Komitəsinin dinləmələri zamanı Dağlıq Qarabağ ətrafındakı vəziyyətə toxunaran ABŞ dövlət katibi qeyd etdi ki, bu məsələ ilə fəal şəkildə məşğuldur.
“Mən Ermənistanın baş naziri Paşinyan və Azərbaycan prezidenti Əliyev ilə dəfələrlə danışdım. Əmin olmaq istəmişəm ki, heç kim münaqişənin alovlanmasına səbəb olacaq addımlar atmayacaq. Biz həm də məsələnin uzunmüddətli siyasi həllini dəstəkləmişik “,- deyə Blinken bildirdi.
