Rusiyanın xarici işlər naziri Sergey Lavrovun qalmaqallı antisemit açıqlamalarından sonra İsrail nəhayət Ukraynaya silah tədarük etməyə başlaya bilər. Təbii ki, bunu üçüncü ölkə vasitəsilə də həyata keçirmək mümkündür.
Bu barədə Ukrayna prezidenti aparat rəhbərinin müşaviri Aleksey Arestoviç bildirdi.
“Biz bunu Qarabağ müharibəsində də gördük. Həmin silahları Azərbaycan tətbiq elədi. Məsələn, Harop kamikadze-dronları, tank əleyhinə uzaqvuran və operatora trayektoriyanı, habelə hədəfi dəyişdirmək imkanı verən “Spike” sistemlərinin adını çəkə bilərik”,-deyə Ukrayna rəsmisi qeyd edib.
Xatırladaq ki, Lavrov Mediaset TV-yə müsahibəsində “Hitlerdə yəhudi qanı var və ən qızğın antisemitlər yəhudilər olur” dedi.
