Nerkin Handdan əsir düşən hərbçi valideynlərinə məktub göndərib: Azatutyun.am

17 gün əvvəl Syunikin Nerkin Hand kəndindən sərhədi keçərək əsir düşən hərbçi Eduard Martirosov valideynlərinə məktub göndərib. Bu barədə Azatutyun.am xəbər verir.

Hərbçinin atası Artur Martirosov “Azatutyun”a bildirib: “Nə desin? Normaldır, çörək var, su var, gözləyin, qayıdacağam, bu qədər”.

Beynəlxalq Qırmızı Xaç Komitəsinin (BQXK) nümayəndələri Bakıda 19 yaşlı hərbçiyə baş çəkib və ailəsi ilə məktubla əlaqə saxlayıblar.

Çağırışçı Eduard Martirosov 3,5 aylıq hərbi qulluqçu olub, onun Azərbaycanda hansı şəraitdə göründüyü hələlik məlum deyil. Hərbçinin yoxa çıxdığı “Nerkin Hand” hərbi bazası Azərbaycan mövqeləri ilə bitişikdir.

Strasburq məhkəməsi Azərbaycanı hərbi qulluqçu haqqında məlumat verməyə məcbur edib, deyə Ermənistanın beynəlxalq hüquqi məsələlər üzrə nümayəndəsinin mətbuat katibi Hasmik Samvelyan bildirib.

Azərbaycan mayın 17-dək məhkəmənin suallarına cavab verməlidir.

Bu gün Bakı həbsxanalarında rəsmi qeydiyyatda olan 38 erməni hərbi əsir saxlanılır. Martirosovun əsir götürülməsi faktı Azərbaycan tərəfindən hələlik təsdiqlənməyib.