Azərbaycanın həmişə Ermənistanın əraziləri ilə bağlı ambisiyaları olub, çünki bu, ona Ermənistanı parçalamaq, yollara və strateji infrastruktura nəzarət etmək imkanı verə bilər. Lakin Azərbaycan bundan sonra da dayanmadı və yeni ərazilərlə bağlı eyni siyasəti davam etdirdi. Bu barədə Ermənistanın keçmiş ombudsmanı Arman Tatoyan öz Facebook səhifəsində yazıb.
O, xüsusilə qeyd edib: “Məsələn, erməni Barana (indiki Noyemberyan, Tavuş rayonu) və Azərbaycanın Qaymaxlı (Qaymaxlu) kəndləri arasında 1002 desyatin ərazisi olan “Aci” 1918-1920-ci illərdə Birinci Respublikanın, sonra isə 1924-cü ildə Sovet Ermənistanın tərkibində olub”.
O qeyd edib ki, bu ərazi strateji əhəmiyyətə malikdi.
“O zaman Azərbaycan hakimiyyəti Ermənistanın şimal-şərq ərazilərini kəsə və yollara nəzarəti bərqərar edə biləcəklərini anlayaraq bu ərazini ələ keçirmək üçün çox səy göstərdi. Bu həll SSRİ kəndlərinin sakinlərinin hüquqlarına təkcə sosial-iqtisadi baxımdan deyil, həm də təhlükəsizlik baxımından ciddi problemlər yaradardı.
Nəticədə 1924-cü ildə Zaqafqaziya Mərkəzi İcraiyyə Komitəsinin torpaq komissiyası 31 oktyabr qərarı ilə Ermənistan SSR-ə məxsus “Aci” məntəqəsinin 612 desyatin ərazisi olan şimal-şərq hissəsini Azərbaycan SSR-ə verdi. 390 desyatin sahəsi olan cənub-qərb hissəsi isə Ermənistan SSR-ə verildi. Yəni Ermənistan həmin ərazinin böyük hissəsini itirib.
Unutmaq olmaz ki, Azərbaycan siyasəti bu illər ərzində dəyişməyib”,-Tatoyan vurğuladı.
