Rusiya-Ukrayna münaqişəsinin təsiri ilə Ermənistanın Rusiya ilə ticarəti azalması ehtimalı var. Ukrayna ilə ticarət sıfıra yaxındır.
“Armenpress”in məlumatına görə, bunu Mərkəzi Bankın sədr müavini Hovhannes Xaçatryan Parlamentin maliyyə-kredit və büdcə məsələləri üzrə daimi komissiyasının iclasında Mərkəzi Bankın fəaliyyəti haqqında illik hesabatın təqdimatında çıxışı zamanı deyib.
“Rusiya ilə 2,5 milyard dollarlıq beynəlxalq ticarətimiz var, 800 milyon dollar ixrac, 1,7 milyard dollar idxal var. Son 1,5 ayın dinamik inkişafı vəziyyətində mövcud məlumatlar geniş fərziyyələr irəli sürmək üçün kifayət deyil, lakin hər halda, ticarət azalacaq” – deyə Xaçatryan bildirib.
Ermənistanın Ukrayna ilə 160 milyon dollar dəyərində kiçik ticarəti var ki, bunun da 120 milyon dolları idxaldır. “Əgər sıfır olmayıbsa, demək, sıfıra yaxındır”- deyə o qeyd edərək, idxal və ixracın həcminin başqa yolla əlavə olunacağını bildirib.
Rusiyada təxminən 15 faizlik ikirəqəmli inflyasiya var ki, bu da böyük qeyri-müəyyənliyin və rublun devalvasiyasının nəticəsidir. Son zamanlar vəziyyətin sabitləşməsi ilə əlaqədar rublun məzənnəsinin dəyişməsi ilə bağlı dəyişikliklər olacaq.
