Avrasiya İnkişaf Bankı (AİB) Geqarkunik və Araqatsotn bölgələrində ümumi gücü 65 MVt-a qədər olan 11 günəş elektrik stansiyasının tikintisi üçün Ermənistan Respublikasına 37 milyon dollara qədər vəsait ayıracaq. Bu haqda AİB-in mətbuat xidmətindən məlumatlandırılıb.
Qeyd olunur ki, Yerevanda müvafiq sənədləri İİB-in idarə heyətinin sədri Nikolay Podquzov və “New Energy” şirkətlər qrupunun sədri Hayk Harutyunyan imzalayıb. Artıq bu il bütün obyektlər istifadəyə veriləcəkdir.
“Bu gün Ermənistan Respublikasının enerji sistemi istilik, atom və su elektrik enerjisinə əsaslanır. Ən böyük elektrik təchizatı mənbəyi və son istehlak üçün əsas enerji daşıyıcısı təbii qaz olaraq qalır.
2026-cı ilə qədər Bankın vəzifəsi Respublikada elektrik enerjisi istehsalı mənbələrinin şaxələndirilməsinə öz töhfəsini verməkdir.
Bununla biz nəinki enerji sisteminin etibarlılığını artırırıq, həm də karbon emissiyalarını azaltmaqla ekologiyanı əhəmiyyətli dərəcədə yaxşılaşdırırıq” – deyə İİB-in idarə heyətinin sədri Nikolay Podquzov bildirib.
Avrasiya İnkişaf Bankı, ER hökuməti və “Yeremyan Farm” QSC də Ermənistanın aqrar-sənaye kompleksinin inkişafına dair memorandum imzalayıb.
Memorandumun məqsədi Ermənistan Respublikasının ərzaq təhlükəsizliyini və aqrar-sənaye sektorunda davamlı iqtisadi inkişafını təmin etməkdir.
İİB xammalın emalının dərinləşməsinə və istehsal olunan məhsulların əlavə dəyərinin artırılmasına töhfə verəcək aqrar-sənaye sektorunda layihələrin maliyyələşdirilməsi yolu ilə Ermənistan hökumətinə dəstək verəcək.
