Ermənistanın Ukraynadakı səfiri Vladimir Karapetyan Ukraynanın ictimai teleradio şirkətinə müsahibəsində Azərbaycanda saxlanılan erməni hərbi əsirlərlə bağlı məsələ qaldırıb.
Alınan məlumata görə Vladimir Karapetyan qeyd edib ki, Azərbaycan 38 erməni hərbiçini əsirlikdə saxladığını təsdiqləyir, Ermənistan tərəfi isə əsirlər arasında daha 26 hərbiçinin olduğunu hesab edir.
Səfir vurğulamışdır ki, məhbusların mübadiləsinin hamı üçün olacağına dair ən yüksək səviyyədə razılıq əldə edilmişdir.
Erməni tərəfi bütün əsirləri, hətta tamamilə başqa maddələrlə, o cümlədən adam öldürməkdə təqsirli bilinən cinayətkarları da təhvil verib.
Səfirin sözlərinə görə, Ermənistan tərəfində müvafiq sənədli sübutlar, video çəkilişlər, habelə artıq Ermənistana qayıdan keçmiş əsirlərin ifadələri var.
Karapetyan əlavə edib ki, Azərbaycan tərəfi minaatan xəritələrin müqabilində Ermənistan hərbçilərinin bir hissəsini azad edib.
“Xoş niyyətin təzahürü olaraq Ermənistan rəhbərliyi 90-cı illərdən, birinci Qarabağ müharibəsi illərindən ixtiyarımızda olan minalanmış ərazilərin xəritələrini təhvil verdi” – deyə səfir izah edib.
Diplomat vurğulayıb ki, ötürülən xəritələr mina nəticəsində ölənlərin sayını xeyli azaldıb.
“Azərbaycanın bu xəritələrin bəzi qeyri-dəqiqlikləri ilə bağlı açıq şəkildə və dəfələrlə şikayət etməsinə baxmayaraq, biz onları köçürdükdən sonra partlayışların sayı kifayət qədər azalıb və cəmi bir-iki ölüm hadisəsi qeyd olub.
Bizim xəritələrimiz kifayət qədər dəqiqdir, lakin keçmiş dövr nəzərə alınmalıdır” – deyərək Vladimir Karapetyan yekunlaşdırıb.
