Rusiya sülhməramlı kontingenti Dağlıq Qarabağda üzərinə düşən vəzifələri yerinə yetirməkdə davam edir. Bu barədə Rusiya Federasiyasının Müdafiə Nazirliyi məlumat yayıb.
İyirmi yeddi müşahidə məntəqəsində vəziyyətin gecə-gündüz monitorinqi və atəşkəs rejiminin saxlanmasına nəzarət Rusiya sülhməramlıları tərəfindən həyata keçirilir.
Qeyd olunur ki, Rusiya sülhməramlı qoşunlarının məsuliyyəti zonasında heç bir qanun pozuntusu qeydə alınmayıb.
“RF sülhməramlılarının təhlükəsizliyinin təmin edilməsi və baş verə biləcək insidentlərin qarşısının alınması məqsədilə Azərbaycan və Ermənistan silahlı qüvvələrinin baş qərargahları ilə davamlı qarşılıqlı əlaqə saxlanılır”, – deyə məlumatda qeyd olunur.
