Hazırda görüşlə bağlı razılıq əldə olunmayıb. ER XİN-in mətbuat katibi Vahan Hunanyan bunu Ermənistan və Türkiyənin xüsusi nümayəndələrinin növbəti səfərinin sentyabrda Türkiyədə baş tutub-tutmayacağına dair “Radar Armenia”ın sualına cavab olaraq deyib.
“Biz Ermənistan-Türkiyə münasibətlərinin normallaşdırılması prosesinin xüsusi nümayəndələrinin görüşləri barədə ictimaiyyəti vaxtında, əvvəlcədən məlumatlandırırıq”, – deyə Vahan Hunanyan bildirib.
Qeyd edək ki, Türkiyə KİV-i Ermənistan və Türkiyənin xüsusi nümayəndələrinin növbəti görüşünün sentyabrda baş tutacağını yazmışdı.
