44 günlük müharibədən sonra Rusiya ilə müttəfiqlik münasibətləri quran Azərbaycan artıq Aİ-nin “qaz sahəsinin tərəfdaşıdır”. Brüsseldə onlar Azərbaycanın Rusiyadan ayrılması problemini müəyyən qədər həll etdiklərinə inanırlar, bir çox qərb ekspertləri isə əmindirlər ki, reallıqlardan asılı olmayaraq, yaxın gələcəkdə Moskva-Bakı münasibətləri qəti şəkildə kəsilə bilməyəcək.
Təhlükəsizlik Siyasətinin Tədqiqat Mərkəzinin eksperti, siyasi elmlər namizədi Robert Qevondyanın fikrincə, Rusiya-Ukrayna müharibəsi fonunda Azərbaycan ikili oyun oynamır, əksinə Rusiya, Qərb və Ukrayna ilə öz maraqlarını birləşdirir
Onun sözlərinə görə, Ukrayna üçün Azərbaycan və Türkiyə istiqamətləri önəmlidir. Bakı və Kiyev də GUAM-ın (Gürcüstan, Ukrayna, Azərbaycan, Moldova) əməkdaşlığı çərçivəsində ciddi tərəfdaşlıq münasibətlərinə malikdir.
“Azərbaycan bu gün “neytral” mövqedən çıxış etməyə çalışsa da, müxtəlif amillər, o cümlədən Ukrayna cəbhəsində gündəlik dəyişən hadisələr səbəbindən vəziyyət çox dramatik şəkildə dəyişə bilər”, – Qevondyan deyir.
Bununla belə, Azərbaycan 2027-ci ilə qədər qaz ixracını iki dəfə artıraraq, həcmini 20 milyard kubmetrə çatdıra bilsə belə, Bakı Rusiyanın tədarükünün mümkün itkisini kompensasiya etməkdə Avropa üçün ciddi rol oynaya bilməyəcək.
Xatırladaq ki, Rusiyanın Ukraynaya qarşı apardığı müharibənin başlamasına cəmi iki gün qalmış prezident Əliyev Moskvada strateji müttəfiqlik münasibətlərinin qurulması haqqında sazişi imzalayaraq digər məsələlərlə yanaşı, dövlətin ziyanına hər hansı üçüncü tərəflə əməkdaşlıqdan çəkinməyi də öz üzərinə götürmüşdü.
