Emanuel Makron: Vahaqn Xaçaturyana: “Ermənistan Fransanın tam dəstəyinə arxalana bilər”
Fransa prezidenti Emmanuel Makron Ermənistanın Müstəqillik Günü münasibətilə ER Prezidenti Vahaqn Xaçaturyana təbrik məktubunu göndərib.
“Müraciətdə deyilir: “Hörmətli (əlyazma ilə əlavə olunur) cənab Prezident, Ermənistan Respublikasının Müstəqillik Günü münasibətilə Sizə, eləcə də dost erməni xalqına sülh, xoşbəxtlik və ən xoş arzularımı çatdırıram.
Ölkələrimiz arasında dostluq qədim və möhkəmdir. Biz bütün sahələrdə nümunəvi əməkdaşlığı inkişaf etdiririk, xüsusən, mən qəbul etdiyimiz ikitərəfli iqtisadi yol xəritəsini və martın 9-da Parisdə yerli hakimiyyət orqanları, vətəndaş cəmiyyəti və iqtisadi subyektləri inkişaf etdirmək üçün bir araya gətirən “Ambitions France-Ermənistan” tədbirinin yeni layihələrini nəzərdə tuturam.
Üstəlik, bilirsiniz ki, Ermənistan Fransanın demokratiya və qanunun aliliyini gücləndirmək səylərində tam dəstəyinə arxalana bilər. Fransa regionunuzda sabitlik, sülh və rifah naminə fəaliyyətini davam etdirmək əzmindədir.
Fransa Ermənistan və Azərbaycan arasında münasibətlərin normallaşması prosesini və Dağlıq Qarabağ münaqişəsi ilə bağlı və ondan irəli gələn məsələlərin həllini qətiyyətlə dəstəkləyir. Fransa Minsk Qrupunun həmsədri kimi öz roluna tam sadiq qalaraq, tərəflər arasında dialoqun təşviqi üzrə Avropa Birliyinin səylərini dəstəkləyir.
Bu baxımdan, xalqlarımızın mənafeyi naminə mənim şəxsi öhdəliyimə arxalana bilərsiniz.
Cənab Prezident, mənim dərin ehtiramımı qəbul etdiyinizdən məmnunam. Sizi və erməni xalqını səmimi qəlbdən təbrik edirəm, (əlyazmayla əlavə olunur) hörmətlə EMMANUEL MAKRON”.
