Oktyabrın 18-də ER Parlamentinin sədri Alen Simonyan ABŞ Konqresinin Nümayəndələr Palatasının Demokratik Tərəfdaşlıq Komitəsinin sədri Deyvid Prays başçılıq etdiyi nümayəndə heyətini qəbul edib. Tərəflər sentyabrın 13-də Azərbaycan silahlı qüvvələrinin təcavüzünün nəticələrini müzakirə ediblər.
ER Parlamentinin sədri qeyd edib: “Sentyabrın 14-də axşam saatlarında ABŞ-ın vasitəçiliyi ilə kövrək atəşkəs razılaşması əldə olunmasına baxmayaraq, bundan sonra Azərbaycan tərəfi atəşkəs rejimini mütəmadi olaraq pozmaqda davam edir”.
O, ABŞ hakimiyyətinə, o cümlədən bir çox konqresmenlərə son hadisələrə düzgün qiymət verdiyinə, həmçinin ABŞ-ın vasitəçiliyi ilə bu yaxınlarda Ermənistana qaytarılan 17 hərbi əsir üçün təşəkkürünü bildirib. Tərəflər Azərbaycan silahlı qüvvələrinin Ermənistan ərazisinə soxulmasına və Azərbaycan-Türkiyə ekspansionist ambisiyalarına toxunublar.
ER Parlamentinin sədri Ermənistan-ABŞ əməkdaşlığını bütün səviyyələrdə yüksək qiymətləndirib. O, ABŞ Konqresinin Nümayəndələr Palatasının sədri Nensi Pelosinin rəhbərlik etdiyi nümayəndə heyətinin ölkəmiz üçün ən çətin dövrdə rəsmi səfərinin əhəmiyyətini vurğulayıb.
Erməni tərəfi həmçinin Ermənistana dəstək proqramları, Artsaxa humanitar yardımı, ticarət təşəbbüsləri, Dağlıq Qarabağ münaqişəsinin sülh yolu ilə həlli prosesi və Erməni Soyqırımının tanınmasında Nümayəndələr Palatasının Erməni məsələləri üzrə komitəsinin işini yüksək qiymətləndirib.
