Beynəlxalq Frankofoniya Təşkilatının üzvləri Ermənistana həmrəy olduqlarını bildiriblər
Noyabrın 20-də Tunisin Cerba şəhərində keçirilən Beynəlxalq Frankofoniya Təşkilatının 18-ci sammitinin yekunu olaraq bir sıra sənədlər, o cümlədən “Frankofoniya ərazisində böhranlı vəziyyətlər, onların aradan qaldırılması və sülhün möhkəmləndirilməsi haqqında” qətnamə qəbul edilib. Bu qətnamə ilə üzv dövlətlər Ermənistana dəstək və həmrəyliklərini bildirirlər.
“Armenpres” bildirdi ki, qətnamədə xüsusilə Frankofoniyanın üzvü olan Ermənistanla həmrəylik ifadə edilir və bu kontekstdə son hərbi eskalasiya, xüsusilə bunun nəticəsində beynəlxalq hüquq, ərazi bütövlüyü və beynəlxalq humanitar hüquq normalarının pozulması ilə bağlı dərin narahatlıq ifadə edilir.
Sənəddə yeni eskalasiyanın qarşısının alınmasının vacibliyi vurğulanıb və 9 noyabr 2020-ci il tarixli üçtərəfli bəyanatın tam həyata keçirilməsinə çağrılıb, eləcə də Dağlıq Qarabağ münaqişəsinin sülh yolu ilə və ədalətli həlli istiqamətində göstərilən səylər alqışlanıb0
Frankofoniya Təşkilatı həmçinin mədəni irsin məhv edilməsi ilə bağlı narahatlığını ifadə edir və UNESKO-nun Dağlıq Qarabağ və ona bitişik ərazilərdəki missiyasının həyata keçirilməsini dəstəkləyir.
