Fransa Respublikası Parlamentinin Ermənistanı dəstəkləyən və Azərbaycana qarşı sanksiyalar təklif edən qətnaməsinin qəbulundan sonra Avropa Parlamentinin və Fransa Senatının bir sıra deputatları öz “Twitter” mikrobloqlarında qeydlər ediblər.
Avropa Parlamentinin üzvü Fransua-Ksaviye Belami
“Parlamentdə əhəmiyyətli səsvermə. siyasi qarşıdurmalar Ermənistanı dəstəkləmək üçün sönür. Fransa Ermənistan və öz gələcəyimiz naminə Parlamentin bu yekdil öhdəliyini konkret şəkildə ifadə etmək üçün amansız hərəkət etməlidir”, – deyə deputat #Armenia #Artsax heşteqindən istifadə edərək yazıb.
Avropa Parlamentinin üzvü, keçmiş Avropa məsələləri üzrə nazir Natali Luazo
“Ölkəmlə fəxr edirəm. fransalı deputatlara təşəkkür edirəm ki, senatorlardan sonra Ermənistanın müdafiəsinə sadiqdirlər. Biz Avropa Parlamentində görüşəcəyik”, – Luazo #StandbyArmenia heşteqindən istifadə edərək yazıb.
Auror Berje, deputat
“Ermənistan müttəfiq ölkədir, dost ölkədir, qardaşdır. Biz onun yanında olmalıyıq. Parlamentin yekdilliklə qəbul etdiyi qətnamə ilə biz Azərbaycanın təcavüzü qarşısında bunu açıq şəkildə təsdiq edirik”, – deyə Berqe yazıb.
Ann-Lorans Petel: deputat, İqtisadi məsələlər komitəsinin sədr müavini
“Bir müddət əvvəl Parlamentdə yekdilliklə Ermənistana dəstək verilməsi və Azərbaycanın təcavüzünün dayandırılması tələbi ilə qətnamə qəbul etdik. Biz Fransanın və onun deputatlarının dəstəyinə arxalana bilən Ermənistana güclü mesaj göndəririk”, – deyə Petel yazıb.
Qeyd edək ki, sözügedən qətnamə Fransa Senatının hakim “Renessans” fraksiyası adından təqdim edilib. Ermənistanı dəstəkləyən və Azərbaycana qarşı sanksiyalar təklif edən qətnamə 1 əleyhinə 295 səs nisbəti ilə qəbul edilib.
