Bakı təxribat xarakterli hərəkətlər edir və Artsax ermənilərini terror etməyə çalışır ki, öz problemlərini həll etsin. “Radiolur”a müsahibəsində Azərbaycanın son təxribatına toxunaraq, Artsaxın xarici işlər naziri vəzifəsini icra edən Davit Babayan bildirib.
Söhbət Şuşi-Karin tak kəsişməsində baş verən hadisədən gedir. Dekabrın 3-də günortadan sonra Artsax İnformasiya Qərargahı bildirib ki, mülki geyimli bir qrup azərbaycanlı ekoloji səbəblərə görə həmin hissədə Stepanakert-Goris avtomobil yolunu bağlayıb.
Davit Babayan əmindir ki, Azərbaycan bu addımla Ermənistanla Artsax arasında quru əlaqəsini kəsmək və dinc əhalini psixoloji terrora məruz qoymaq üçün təxribata əl atır.
“Bəhanələr uydururlar, yalan xəbərlər yayırlar. Məqsəd birdir: Artsaxda vəziyyəti sabitsizləşdirməyə çalışmaq, terror etmək, qorxutmaq ki, buradan axın olsun, Rusiyaya zərbə endirmək, beynəlxalq əməkdaşlığa zərbə vurmaq, sivil dünyaya zərbə vurmaq. Aydındır ki, bu, dövlət siyasətidir”- deyə Davit Babayn qeyd edib.
Politoloq Gurgen Simonyan da bu fikirdədir: Bakı təxribatçı siyasət aparır, yeni müharibəyə səbəb olmağa çalışır və tələsir, çünki 2020-ci ildən sonra Əliyev son məqsədinə nail ola bilmədi. O, təkbaşına addımlar atmaq üçün əlindən gələni edir, çünki Türkiyə hazırda 2023-cü ildə gözlənilən seçkilərlə məşğuldur və Bakını dəstəkləmək üçün aktiv siyasət aparmır. Rusiya daha çox Rusiya-Ukrayna probleminə diqqət yetirir. Onun fikrincə, Bakının addımları həm də Rusiya sülhməramlılarını və ümumilikdə Rusiyanı aşağılamaq məqsədi daşıyır.
Politoloqun fikrincə, Azərbaycanda genişmiqyaslı hərbi təlimlər keçirildiyi üçün iki gün əvvəl hərbi əməliyyatların başlamalı olduğu haqda xəbərlər yayılıb. Onlar xüsusi məqsədlə keçirilib, lakin ABŞ Dövlət Departamentinin Qafqaz danışıqları üzrə baş müşaviri, səfir Filip Rikerin səfəri Bakının planlarını alt-üst edib.
Gurgen Simonyanın sözlərincə, region dünya üçün kiçik deyil və ABŞ əllərini yumur. Ona görə də Bakı bu cür təxribatlar törədir və bu vəziyyət təbii təhlükəsizliyin coğrafi ərazilərində qüvvələr balanslaşdırılana qədər davam edəcək.
Gurgen Simonyan istisna etmir ki, Rusiya-Ukrayna müharibəsində vəziyyət gərginləşərsə və ya nüvə bombasından istifadə edilərsə, vəziyyətin gözlənilməz inkişafı ola bilər. Belə olan halda düşmən Ermənistan dövlətçiliyinin aradan qaldırılması üçün addımlar atmağa çalışacaq. O vaxta qədər düşmənin hücumunu tez dayandırmaq və ən əsası əks hücuma keçmək lazımdır.
