Ermənistan tərəfi sülh müqaviləsinin layihəsi ilə bağlı Azərbaycan tərəfinin təkliflərini alıb, beləliklə, təkliflərin üçüncü mərhələsi müzakirə olunur.
Bunu ER parlamentinin xarici əlaqələr üzrə daimi komissiyasının sədri Eduard Ağacanyan ER parlamentində keçirilən mətbuat konfransında jurnalistlərin suallarını cavablandırarkən deyib.
“Ermənistan tərəfi Azərbaycanın təkliflərini alıb ki, bu da əslində erməni tərəfinin təkliflərinə cavabdır. Başqa sözlə, demək olar ki, bu təkliflərin üçüncü mərhələsi müzakirə olunur”, – deyə Ağacanyan qeyd edib, lakin o, müzakirələrin təfərrüatlarını təqdim etməyib.
Beləliklə, Ermənistan tərəfi Azərbaycandan cavab təklifləri alıb. İlin sonuna qədər dövlət başçıları və ya xarici işlər nazirləri səviyyəsində mümkün görüşün keçirilməsi məsələsinə gəlincə, o bildirib: “Bəli, məncə, bunu istisna etmək olmaz”.
