Azərbaycanın indiyədək həyata keçirdiyi tədbirlər, o cümlədən Laçın dəhlizinin blokadası, Dağlıq Qarabağ əhalisinin hüquq və təhlükəsizlik məsələlərinin həllində beynəlxalq iştirakın mütləq zərurətini bir daha sübut etdi.
ER xarici işlər naziri Ararat Mirzoyan yanvarın 24-də Avropa Parlamentinin Xarici Əlaqələr Komitəsində keçirilən müzakirələrdə çıxış edərkən belə deyib.
“Biz kənarda dayanıb insanların siyasi oyunlar və bəlkə də geosiyasi hesablamalar üzündən yavaş-yavaş acından ölməsinə tamaşa edə bilmərik. Hərəkət etmək vaxtıdır. Azərbaycan öz əməllərinə görə cavab verməlidir. Azərbaycana izah edilməlidir ki, hər kəsin əməl etməli olduğu beynəlxalq qaydalar var”, – deyə ER XİN rəhbəri bildirib.