Artsax Respublikasının dövlət naziri Ruben Vardanyan ABŞ-ın Kolumbiya Universitetinin Sülh Quruculuğu və İnsan Haqları institutunun təşkil etdiyi “İkinci Erməni Soyqırımının qarşısının alınması” adlı onlayn vebinarda iştirak edib.
Azərbaycan Laçın dəhlizini bağlayır və Artsaxı yaşayış şəraitindən məhrum edir, onu sakinlərindən təmizləməyə çalışır.
Artsax dövlət naziri idarəsinin mətbuat xidmətindən aldığığımız məlumata görə, fevralın 1-də axşam keçirilən müzakirədə Amerika Erməni Konqresinin həmsədri Van Qriqoryan və ABŞ Senatının Xarici Əlaqələr Komitəsinin üzvü Kris Van Hollen də iştirak ediblər.
Tədbirin moderatorluğu Sülh Quruculuğu və İnsan Haqları Proqramının direktoru Devid Fillips idi.
Müzakirəni açan Devid Fillips qeyd etdi ki, məqsəd blokada nəticəsində Artsaxda yaradılmış ən çətin vəziyyəti təqdim etməkdir.
“Azərbaycan Artsaxı Ermənistanla birləşdirən Laçın dəhlizini bağlayıb. Blokada atəşkəs şərtlərinin və beynəlxalq humanitar hüququn ciddi şəkildə pozulmasıdır.
Azərbaycan 120 min erməninin ərzaq, yanacaq və dərman da daxil olmaqla Artsaxda zəruri mal və xidmətlər təchizatına çıxışını pozur. Bunlar hərəkətlər əslində ikinci Erməni Soyqırımına gətirib çıxarır. Bugünkü müzakirəmiz də məhz budur”.
Senator Kris Van Hollen çıxışında qeyd edib ki, biz Azərbaycanın Dağlıq Qarabağa qarşı təcavüzkar siyasətinin növbəti epizodunun şahidi oluruq.
“50 gündən artıqdır ki, Azərbaycan Artsax xalqını mühasirədə saxlayıb, onları ərzaq, dərman və digər gündəlik tələbat mallarından məhrum edib.
Mühasirəyə alınanlar arasında 30 min uşaq, 20 min qoca və 9 min əlil var. Biz bunun şahidi oluruq. humanitar böhran gündən-günə dərinləşir.Biz bu pis niyyətli hərəkətləri dilə gətirməyə bilmirik”.
Təşəbbüsü alqışlayan Ruben Vardanyan tədbirin təşkilinə və Artsaxa dəstəyə görə təşəkkür edib. O, Artsaxın dünya ictimaiyyətinin diqqət mərkəzində saxlanmasının vacibliyini vurğulayıb.
“Bu günlərdə bizə dəstək olan bütün insanlara minnətdarıq. Demək istəyirəm ki, Artsaxda hamımız üçün tənha olmadığımızı hiss etmək çox vacibdir”.
Artsaxın dövlət naziri bildirib ki, problem təkcə Artsax və Azərbaycan arasındakı münaqişədə deyil, problem Artsax vətəndaşlarının vətəndə yaşamaq hüququndadır.
“Biz danışıqlara hazır olduğumuzu, müzakirəyə hazır olduğumuzu, sülhə hazır olduğumuzu söylədik, lakin buna bütün tərəflər hörmət etməlidir.
Biz yan-yana yaşaya bilərik, amma heç vaxt bir dövlət daxilində deyil, bu, bizim üçün qətiyyən yolverilməzdir. Ermənilər Azərbaycan qanunları altında yaşamaq istəmirsə, ermənilərsiz Artsaxa üstünlük verdiyini açıq şəkildə bəyan edən Prezident Əliyevdir.
Bu, xalqların öz müqəddəratını təyinetmə hüququna və digər demokratik prinsiplərə dövlət səviyyəsində ciddi meydan oxuyur.
Bu təkcə hüquqi məsələ deyil, heç bir standartla qəbuledilməz olan insan hüquqlarının kobud şəkildə pozulmasıdır.Ona görə də bunun qəbuledilməz olduğunu göstərmək üçün Azərbaycana təzyiq göstərmək çox vacibdir.
İnsanların normal həyat şəraitini pozduğuna görə hüquqları pozan tərəflərə, şəxslərə qarşı potensial sanksiyaların müəyyən edilməsi də çox vacibdir.
Van Qriqoryan vurğulayıb ki, Azərbaycanın yüksək rütbəli rəsmilərinin bəyanatları sübut edir ki, Azərbaycan Ermənistan və Artsax xalqını öz vətənlərindən qovmağa çalışır.
“Bu “Ekoaktivistlər” ekoaktivist deyillər, onlar xüsusi xidmət orqanlarının üzvləridir və Əliyevlər klanına müxtəlif yollarla bağlıdırlar, onların rəsmi səlahiyyətləri var”.
Qriqoryan qeyd edib ki, Azərbaycan və Türkiyə prezidentləri öz xalqını yeni müharibəyə hazırlayır.
“Artsaxın özünümüdafiə hüququ var və ümid edirəm ki, ABŞ və digər ölkələr bu məsələdə ona dəstək verəcəklər”.
