Ermənistan hökuməti suverenlikdən imtina çağırışlarına görə məsuliyyət müəyyən etməyi təklif edir. Bu haqda Ədliyyə nazirinin müavini Levon Balyan fevralın 21-də parlamentin Dövlət və Hüquq Məsələləri üzrə Daimi komitəsinin iclasında Cinayət Məcəlləsinə dəyişikliklər haqqında qanun layihəsinin müzakirəsi zamanıbəyan edib.
Beləliklə, zorakılıq və ya ondan istifadə hədəsi yolu ilə Ermənistan Respublikasının suverenliyinin tam və ya qismən məhdudlaşdırılmasına yönəlmiş hərəkətlər, habelə suverenlikdən imtinaya ictimai çağırışlar cinayət məsuliyyətinə cəlb ediləcək.
“Mövcud qanunvericiliyə görə, bu cür hərəkətlərə görə cinayət məsuliyyəti nəzərdə tutulmayıb. Dəyişikliyin qəbulu nəticəsində Ermənistan Respublikası dövlətin suverenliyinin tam və ya qismən məhdudlaşdırılmasına yönəlmiş hərəkətlərə görə 10-15 il müddətinə azadlıqdan məhrum etmə nəzərdə tutulur” – deyərək nazir müavini bildirib.
Suverenlikdən imtina etməyə çağırışlara görə müxtəlif cəza növləri nəzərdə tutulur: iki ay müddətinə cərimə və ya qısamüddətli həbs, üç ilədək müddətə azadlıqdan məhrum etmə:
“Və belə müraciətlər üçün kütləvi nümayiş etdirilən əsərlərdən, eləcə də kütləvi informasiya vasitələri və informasiya texnologiyalarından istifadə edilərsə, qanunu pozanları 2 ildən 5 ilə qədər həbs gözləyir” – deyərək Balyan vurğulayıb.
Kifayət qədər uzun və qızğın müzakirələrdən sonra qanunvericilik təşəbbüsü parlamentin Daimi komitəsinin müsbət rəyini qazandı.
