Türkiyədə prezident və parlament seçkilərinin vaxtı ilə bağlı müzakirələr aradan qaldırılıb. Türkiyə prezidenti Rəcəb Tayyib Ərdoğan parlamentdə bildirib ki, seçki günü, mayın 14-ü dəyişməz qalıb. Fevralın 6-da baş verən dağıdıcı zəlzələdən sonra Türkiyə hakimiyyəti seçkilərin təxirə salınması imkanını nəzərdən keçirib.
Seçkilərlə bağlı məsələlərdən başqa, Türkiyə Finlandiya və İsveçin NATO-ya üzvlüyü ilə bağlı Şimali Atlantika Alyansı ilə də ciddi ziddiyyətdədir. NATO-nun baş katibi Yens Stoltenberq Helsinkidə bəyan etdi ki, Finlandiya və İsveç Ankaranın qoyduğu bütün ilkin şərtləri yerinə yetiriblər və NATO-ya üzv ola bilərlər. Lakin Türkiyə sərt mövqedən çıxış etməyə davam edir və ilk növbədə İsveçin NATO-ya daxil olması ehtimalına qarşı çıxır.
Türkoloq Andranik İspiryan qeyd etdi ki, Türkiyə tərəfinin Stokholma əsas tələbi İsveçdə yaşayan otuzdan çox kürd fəalın və Fətullah Gülənin başçılıq etdiyi şəbəkə üzvlərinin ekstradisiyasıdır.
Ekspert vurğuladı ki, İsveç Ali Məhkəməsi Türkiyənin təhdidinə məhəl qoymayaraq, dekabrın sonunda Türkiyə qəzetlərindən biri olan “Zaman”ın keçmiş redaktoru Bülənt Keneşin ekstradisiyası prosesini əngəlləyib. Qeyd olunub ki, ekstradisiya halında o, Türkiyədə siyasi baxışlarına görə mühakimə oluna bilər.
Andranik İspiryan onu da qeyd etdi ki, Türkiyən geosiyasi proseslərdə hər zaman üstün mövqedədir. Hazırda Rusiya-Qərb münaqişəsi kontekstində Ankara həm Qərb, həm də Rusiya üçün mühüm rol oynayır. Onun sözlərinə görə, Qərb üçün Türkiyə Rusiyaya qarşı bir meydan, Rusiya üçün isə Türkiyə xarici dünya ilə ünsiyyət vasitəsidir.
