Martın 6-da ER parlamentində “Mülki müqavilə” fraksiyasının rəhbəri Hayk Koncoryan Sergey Kopirkini qəbul edib. Bu haqda Koncoryan “Facebook” səhifəsində yazıb.
“Bu gün parlamentdə həmkarlarım Babken Tunyan və Mikayel Tumasyanla birlikdə Rusiya Federasiyasının Ermənistandakı Fövqəladə və səlahiyyətli səfiri Sergey Kopirkini qəbul etdim.
Mən səfirin diqqətini martın 5-də Azərbaycan silahlı qüvvələrinin Dağlıq Qarabağda həyata keçirdiyi təxribat hücumuna cəlb etdim, nəticədə DQ-nin üç polis əməkdaşı həlak olub, bir nəfər yaralanıb.
Qeyd etdim ki, artıq 85-ci gündür ki, Laçın dəhlizinin Azərbaycan tərəfindən qeyri-qanuni blokadaya salınması üçtərəfli bəyannamənin kobud şəkildə pozulmasıdır və Laçın dəhlizinin bir gün əvvəl açılması lazımdır” – deyə yazıda qeyd olunub.
Görüşdə ER-RF iqtisadi əməkdaşlığı ilə bağlı məsələlər də müzakirə olunub.
İki ölkə nümayəndələrinin parlamentlərarası sahədə əməkdaşlığı xüsusi vurğulanıb.
