2022-ci ildə Ermənistanda dövlət borcunun ÜDM-ə nisbəti 50%-dən 46,7%-ə enib. Bu barədə martın 13-də Parlamentin maliyyə, kredit və büdcə məsələləri daimi komissiyasının iclasında maliyyə naziri Vahe Hovhannisyan bildirib.
O cümlədən, 2022-2026-cı illərdə dövlət borcunun azaldılması proqramına əsasən, dövlət borcu 2022-ci ildə 60,5%, 2026-cı ildə isə 53,8% səviyyəsində planlaşdırılır. Eyni zamanda, 2022-ci ilin sonunda dövlət borcunun ÜDM-ə nisbəti 50%-dən 46,7%-ə enib.
“Bu, potensial risk və çətinliklərlə üzləşmək üçün əlavə “davamlılıq resursu” yaradır”, – deyə nazir bildirib.
Əvvəlki illə müqayisədə daxili mənbələr hesabına maliyyələşmənin xüsusi çəkisi 38,6% artıb. 31 dekabr 2022-ci il tarixinə AMD ilə ifadə edilən borcun çəkisi 37,9% təşkil edərək, ötən ilin müvafiq dövrü ilə müqayisədə 9,1% artıb.
“Bu, borcun məzənnə dəyişikliyinə həssaslığını azaldıb”, – deyə Hovhannisyan qeyd edib.
