Qarabağ məsələsinin həllinin Rusiya variantı Azərbaycan tərəfindən rədd edilib. Bunu martın 24-də respublikanın xarici işlər naziri Ararat Mirzoyan parlamentin iclasında deputatların suallarını cavablandırarkən deyib.
“Rusiyanın nizamlanma variantında Dağlıq Qarabağın statusu məsələsini sonraya, Qərbin isə Dağlıq Qarabağı Azərbaycanın tərkibində buraxmağı təklif etməsi ilə bağlı iddialar reallığa uyğun gəlmir”, – nazir bildirib.
Onun sözlərinə görə, vəziyyət belədir: status məsələsinin təxirə salınmasını nəzərdə tutan Rusiya variantı nə vaxtsa müzakirə olunub, lakin Azərbaycan tərəfindən rədd edilib.
“İndi tərəflər Dağlıq Qarabağ əhalisinin hüquqları və təhlükəsizliyi ilə bağlı problemlərin həllinə yönəlmiş beynəlxalq mexanizmlərin yaradılmasını nəzərdə tutan variant üzərində danışıqlar aparırlar”, – XİN rəhbəri bildirib.
Onun sözlərinə görə, bu mexanizmlərin tətbiqi Qarabağ və Azərbaycan tərəfləri arasında birbaşa dialoq yolu ilə baş tutmalıdır.
