Moskva gözləyir ki, Yerevanın KTMT-nin digər üzvləri ilə qarşılıqlı fəaliyyətinin xarakteri ilə bağlı zərərli müzakirələr dayandırılacaq və bununla bağlı yaranan məsələlər konstruktiv həll olunacaq. “Armenpress”in məlumatına görə, bu barədə RTVI-ya müsahibəsində Rusiya Federasiyası xarici işlər nazirinin müavini Mixail Qaluzin bildirib.
“Biz gözləyirik ki, “kim haradan çıxır” mövzusunda zərərli müzakirələr dayandırılacaq və Yerevanla KTMT çərçivəsində bütün qarşılıqlı fəaliyyət məsələləri, o cümlədən təşkilatın Ermənistan ərazisində müşahidə missiyasının yerləşdirilməsi məsələsi konstruktiv və qarşılıqlı faydalı şəkildə həll olunacaq. Biz KTMT-də mövcud əməkdaşlıq formatları çərçivəsində Daimi Şuranın iclaslarından tutmuş, təşkilatın ali orqanı olan Kollektiv Təhlükəsizlik Şurasına qədər erməni tərəfinin bütün narahatlığını açıq şəkildə müzakirə edirik”, – deyə Qaluzin bildirib.
Rusiya xarici işlər nazirinin müavini KTMT çərçivəsində “çətinliklər”dən də danışıb və qeyd edib ki, “bütün üzvlərinin maraqlarına əsaslanaraq real praktiki iş görən” heç bir beynəlxalq təşkilat onlarsız işləyə bilməz.
“Bu gündən Təşkilatda 2022-ci ildə keçirilən görüşlərdə üzv dövlət başçılarının qəbul etdiyi qərarların icrası üçün intensiv prosesə başlayıb. Əsasən Ermənistanın sədrliyi sayəsində KTMT-nin kollektiv təhlükəsizliyimizə qarşı çağırış və təhdidlərə qarşı mübarizə imkanlarını inkişaf etdirmək üçün çox işlər görülüb. Vurğulamaq istərdim ki, bütün üzv dövlətlərin əlaqələndirilmiş, səmərəli və maraqlı işi olmadan əldə edilmiş nəticələr mümkün olmazdı”, – deyə Qaluzin bildirib.
Rusiya Federasiyasının xarici işlər nazirinin müavini əlavə edib ki, may-iyun aylarına planlaşdırılan Xarici İşlər və Müdafiə Nazirləri Şuralarının, KTMT Təhlükəsizlik Şuraları Katibləri Komitəsinin növbəti iclaslarına fəal hazırlıq gedir.
“Gündəm çox zəngindir ki, bu da təşkilatın (red.: KTMT) məsuliyyət sahəsində təhlükəsizliyin və sabitliyin təmin edilməsi məsələlərində yüksək tələbindən xəbər verir. KTMT çərçivəsində əməkdaşlığın gücləndirilməsinə dair bu və digər məsələlər 2023-cü il martın 20-də Moskvada nazirlər Sergey Lavrov və Ararat Mirzoyanın görüşündə, eləcə də KTMT-nin baş katibi İmanqali Tasmaqambetovun bu yaxınlarda Yerevana səfəri zamanı intensiv müzakirə predmetinə çevrilib”.
