Teğ kəndində sərhəd vəziyyətinin yaxşılaşdırılmasından danışılanda biz müzakirələrdən danışırıq. Hazırda mövqe dəyişikliyi yoxdur.
Bunu parlamentin Müdafiə və Təhlükəsizlik Komitəsinin sədri Andranik Koçaryan jurnalistlərlə söhbətində azərbaycanlıların Ermənistan Respublikası ərazilərini, xüsusilə Teğ kənd hissəsini tərk edib-etməməsi ilə bağlı suala toxunaraq deyib.
“Təmaslar ümid verir ki, bəzi məsələlərdə qarşılıqlı anlaşma var. Biz o qənaətindəyik ki, bizim olan bizimdir. Onlar da başa düşməlidirlər ki, bizə aid şeydən uzaq durmağa çalışmalıdırlar, çünki dünya dəyişir, mövqelər də dəyişir. Əvvəllər çox pis mövqelərimiz var idi, mövqelərimizi də yaxşılaşdırdıq. Mən bunlardan qorxmuram, çünki sərhəd xətti ilə bağlı məsələlər təsdiqlənən ana qədər mövqe dəyişikliyi qaçılmaz olacaq”, – deyə o bildirib.
Onun sözlərinə görə, azərbaycanlılar arasında 44 günlük müharibədən sonraki eyforiya davam edir, lakin bu çox uzun sürə bilməz, çünki Ermənistan da ordunun islahatlarını ləngidə bilməz: “Təhlükəsizlik sistemimiz onların istəklərini və ya iştahlarını azaltmaq üçündür. Bizim olan bizimdir, başa düşməsələr, bir gün gələcək ki, başa düşüləcək. Əminəm ki, onlar bizim ərazimizi mütləq tərk edəcəklər”.
Andranik Koçaryan onu da əlavə edib ki, yerli sakinlərin silahlanması üçün xüsusilə milislərlə bağlı bəzi qanunlar qəbul edilib.
