“Politico” yazır ki, Avropa Birliyinin Ermənistandakı müşahidə missiyası və Avropa Parlamentinin Azərbaycanda insan hüquqlarının pozulmasını pisləyən hesabatı 2027-ci ilə qədər AB-nin Bakıdan qaz ixracını iki dəfə artıraraq 20 milyard kubmetrə çatdırmaq barədə razılaşmanı təhlükə altına qoya bilər.
Fevralın 20-də AB həmin saziş çərçivəsində mülki missiyanın fəaliyyətinə başlayıb. O, Ermənistan-Azərbaycan sərhədinin Ermənistan tərəfində işləyəcək.
Missiyanın müstəsna mülki heyətinin ümumi sayı təxminən 100 nəfər, o cümlədən 50-yə yaxın silahsız müşahidəçi olacaq.
Adının açıqlanmasını istəməyən POLITICO-ya danışan AB diplomatik xidmətinin yüksək rütbəli rəsmisi təəssüflə bildirib ki, müşahidəçilər missiyasının Azərbaycanla münasibətləri sanki pisləşib.
“Biz Bakı ilə fərqli senari gözləyirdik. Biz Azərbaycana patrul xidməti və s. ilə bağlı müvafiq məlumatları təqdim edirik. Çünki problem yaşamaq istəmirik”.
Rusiyanın Ukraynaya qarşı apardığı fəlakətli müharibə ilə diqqəti yayındırdığı bir vaxtda Brüssel Azərbaycanla iqtisadi əlaqələr qurmaq və iki rəqib dövləti balanslaşdırmaq üçün qonşu Ermənistana siyasi dəstək təklif etməklə Cənubi Qafqazda mövcudluğunu gücləndirməyə ümid edirdi.
“Politico” yazır ki, Avropa Parlamentinin 2023-cü ilin yazında dərc edilmiş və Azərbaycanda insan haqlarının pozulmasını pisləyən hesabatı “Bakıda qəzəb doğurur” və “AB-nin Azərbaycanla qaz müqaviləsinə kölgə salır”.
Eyni zamanda, dövri nəşrin yazdığı kimi, Azərbaycan Avropa Birliyinin sərhəddəki missiyasının işə başlamasından sonra “onun işlərinə xarici müdaxilə barədə xəbərdarlıq edir”.
