Avropa Birliyi Azərbaycan silahlı qüvvələrinin Sünik bölgəsinin Teq kəndində Ermənistan Silahlı qüvvələrinin hərbçilərinə hücumu ilə bağlı bəyanat yayıb və hücumu toqquşma kimi qiymətləndirib.
“AB Ermənistan-Azərbaycan sərhədinin Teqi kəndi hissəsində Ermənistan və Azərbaycan hərbçilərinin həlak olması və yaralanması nəticəsində baş vermiş silahlı toqquşmalardan təəssüflənir.
Bu hadisə bir daha vurğulayır ki, demarkasiya olunmuş sərhəd olmadığı halda 1991-ci il xətti olmalıdır. Hörmət edilməli, insidentlərin təkrarlanmasının qarşısını almaq üçün hər bir tərəfin qüvvələri bu xəttdən təhlükəsiz məsafəyə çəkilməlidir” – deyə AB-nin xarici və təhlükəsizlik siyasəti bəyan edib.
Diplomat əlavə edib ki, tərəflər sərhədin demarkasiyası üzrə danışıqları aktivləşdirməlidir.
“Əvvəlki öhdəliklərə, o cümlədən 2022-ci ilin oktyabrında 1991-ci il Alma-Ata Bəyannaməsinə əsasən ərazi bütövlüyünün qarşılıqlı tanınması ilə bağlı Praqada götürülmüş öhdəliklərə əməl edilməlidir.
AB həmçinin sərhədlərin demarkasiyası üzrə danışıqları intensivləşdirməyə çağırır və bu prosesi dəstəkləməyə hazırdır” –deyərək bəyanatın mətnində deyilir.
Avropa Birliyi yenidən təmkinli olmağa və mübahisələri sülh yolu ilə həll etməyə çağırıb.
“AB bu səyləri, o cümlədən ən yüksək səviyyədə, eləcə də AB missiyasının Ermənistanda iştirakı vasitəsilə dəstəkləməyə davam edir” – deyə AB-nin bəyanatında deyilir.
