ER Xarici İşlər Nazirliyi Azərbaycan prezidentinin Cənubi Qafqazda gedən nizamlanma proseslərini pozmaq səyləri ilə bağlı bəyanat yayıb:
“2023-cü il aprelin 18-də Azərbaycan prezidenti İlham Əliyevin bəyanatları onun Ermənistan tərəfinin və beynəlxalq ictimaiyyətin Cənubi Qafqazda sülhün bərqərar olmasına yönəlmiş səylərinə torpedo atmaq niyyətini bir daha nümayiş etdirir”.
Qeyd edilib ki, İlham Əliyev bu bəyanatlarla beynəlxalq tərəfdaşlara açıq-aşkar hörmətsizlik nümayiş etdirir.
“Bundan başqa, Azərbaycan prezidenti öz bəyanatı ilə Ermənistan Respublikasının suveren ərazilərinin planlaşdırılmış təcavüzü və işğalı faktını açıq etiraf edir, eləcə də Dağlıq Qarabağ əhalisini etnik təmizləməyə məruz qoymaq niyyətini açıq şəkildə ortaya qoyur. Ölkədə insan haqlarının və müxtəlif qrupların hüquqlarının kobud institusional pozuntularına yol verən və onu rəhbərlik edən Azərbaycan prezidenti öz vətənlərində yaşayan Dağlıq Qarabağın dinc əhalisi ilə bağlı açıq şəkildə ontoloji təhdidlər səsləndirir.
Azərbaycanın ali rəhbərliyinin erməni xalqına qarşı səsləndirdiyi nifrət sözləri birmənalı şəkildə dövlət tərəfindən onilliklər boyu Azərbaycan ictimaiyyəti arasında təbliğ edilən erməni xalqına qarşı dözümsüzlük və nifrət hissini dərinləşdirməyə yönəlib, Azərbaycan silahlı qüvvələrinin nümayəndələri tərəfindən törədilən hərbi cinayətlər, hərbi əsir və mülki şəxslərin etnik zəmində məhkəmədənkənar qətlə yetirilməsi, onları həyata keçirən şəxslər tərəfindən onların video çəkilişi və qürurverici hadisə kimi yayılması da bunun nəticəsidir.
Həmçinin bir neçə gün əvvəl Azərbaycan əsgərinin Ermənistan ərazisinə qeyri-qanuni soxularaq Ermənistan vətəndaşını qəsdən vəhşicəsinə öldürməsi və bu barədə Azərbaycan tərəfini məlumatlandırmaq, eləcə də onun bir çox başqa erməni mülki əhalisini öldürmək niyyəti barədə məlumat verməyə cəhd etməsi onun Azərbaycanın siyasi rəhbərliyinin bəyanatlarından ruhlanmasını göstərir. Əminik ki, Azərbaycan prezidentinin qeyd olunan bəyanatından sonra qeyd olunan cinayətlərin dövlət səviyyəsində təşkil olunması beynəlxalq ictimaiyyətdə belə şübhə doğura bilməz.
Azərbaycan regionda illərlə yığılıb qalmış problemlərin sabit və uzunmüddətli həll yollarını axtarmaq əvəzinə, güc tətbiq etmək və güc tətbiq etməklə hədələmək yolu ilə ekstremist ambisiyalarını irəli aparmağa çalışır. Ermənistan tərəfi Azərbaycanın həyata keçirdiyi bu siyasətin sabitliyi pozan perspektivləri barədə dəfələrlə xəbərdarlıq edib və beynəlxalq hüquqa əsaslanan bu cür hərəkət kursunun dünya nizamı üçün təhlükələrinə beynəlxalq ictimaiyyətin diqqətini cəlb edib”,- deyə bəyanatda qeyd edilib.
