Mədəni irsimizə qarşı törədilən vandalizm faktlarını təqdim etməyə davam edəcəyik
18 aprel Beynəlxalq Abidələr və Tarixi Yerlər Günü münasibəti ilə Artsax Təhsil və Mədəniyyət Nazirliyi bəyanat yayıb:
“Çoxəsrlik tariximizin şahidi olan tarix-mədəniyyət abidələri müxtəlif vaxtlarda düşmən tərəfindən dəfələrlə basqınlara məruz qalıb, mənimsənilib. Təəssüf ki, 44 günlük müharibə Artsaxın tarixi və mədəni irsinə də böyük zərbə vurdu. Əgər 2020-ci ilə qədər Artsaxda 4118-ə yaxın sertifikatlaşdırılmış abidə var idisə, bu gün onlardan 2000-ə yaxını Azərbaycanın işğal etdiyi ərazilərdə (o cümlədən 169 kilsə, monastır kompleksləri və ibadətgahları) qalır. Tarix-mədəniyyət qoruqlarımız da düşmənin işğalı altında qalıb.
İşğal olunmuş ərazilərdə abidələrin qorunub saxlanması ilə bağlı münaqişə zonalarında abidələrin mühafizəsi ilə məşğul olan müvafiq strukturlara çoxlu məktublar göndərilsə də, indiyədək heç bir real əməli addım atılmayıb.
Düşmən müharibədən sonra da kimliyimizin möhürü olan tarixi-mədəni irsimizi məhv etmək, təhrif etmək fürsətini qaçırmır. Bu gün biz həm də tarixi landşaftımızın itirilməsi ilə üz-üzəyik ki, bu da ciddi problemdir.
Biz beynəlxalq arenada düşmənin mədəni irsimizə qarşı törətdiyi vandalizm faktlarını təqdim etməklə mübarizəmizi davam etdirəcəyik. Amma, ilk növbədə, bizim tarix və mədəniyyət abidələrimiz hər birimizin mühafizəsinə, qayğısına ehtiyac duyur. Biz sadəcə olaraq, tariximizə, kimliyimizə inanan bir insan kimi əsrlərdən bizə gəlib çatan tarixi-mədəni irsi gələcək nəsillərə mümkün qədər zərərsiz ötürməyə borcluyuq”.
