Çexiyanın L-410-UVP E20 sərnişin təyyarəsi Kapan hava limanında uğurla eniş edib

Aprelin 26-da 19 sərnişin üçün nəzərdə tutulmuş Çexiya istehsalı olan L-410-UVP E20 sərnişin təyyarəsi Yerevan vaxtı ilə saat 10:58-də Kapanın “Syunik” hava limanında uğurla eniş edib. O, Ermənistan Respublikasında qeydiyyata alınıb. Uçuş eksperimental xarakter daşıyırdı.

Mülki Aviasiya Komitəsindən “NEWS.am”a verilən məlumata görə, təyyarə “Zvartnots” Beynəlxalq Hava Limanından saat 10:10-da havaya qalxıb.

Kapan hava limanı beynəlxalq standartlara uyğun təmir edilib və 2020-ci ildə Mülki Aviasiya Komitəsi tərəfindən sertifikatlaşdırılıb.

Bu uçuş həqiqətən tarixi idi, çünki 90-cı illərdən bəri Kapan hava limanında 2017-ci ildə bir şəxsi uçuş istisna olmaqla, heç bir uçuş olmayıb.