Azərbaycan tərəfindən Hakar körpüsündə keçid məntəqəsinin yaradılması 9 noyabr üçtərəfli sənədinə növbəti zərbədir və Azərbaycan Artsaxın etnik təmizləmə siyasətini irəli aparır. Bunu Artsax Respublikasının xarici işlər naziri Sergey Ğazaryan Petros Ğazaryanla söhbətində deyib.
“Bu keçid məntəqəsinin quraşdırılması ilə təhlükəsizlik mühiti ilə bağlı təsəvvürlər dəyişir və Azərbaycan uzun müddətdir ki, bu siyasəti mənimsəmiş, müxtəlif əsassız və saxta ittihamlar irəli sürərək, bu cür təxribatlara əl atmağa çalışır”.
Ğazaryanın sözlərinə görə, ilk növbədə, Azərbaycan tərəfi 9 noyabr sənədi ilə Dağlıq Qarabağla Ermənistan arasında əlaqənin Azərbaycan tərəfindən təmin olunacağına, vətəndaşların, nəqliyyat vasitələrinin, yüklərin hər iki tərəfdən təhlükəsiz keçəcəyinə zəmanət verib.
“İndi onlar yeni tələblər irəli sürürlər, bu dəqiqə yəqin ki, yük maşınlarını yoxlamağa çalışacaqlar, guya silah olmadığını yoxlamağa çalışacaqlar, növbəti mərhələdə belkə artıq vətəndaşları, şəxsi əşyalarını da yoxlayacaqlar. Qeyd etməliyəm ki, bu məqam sənədin ən mühüm elementi idi və 2020-ci ildə məcburi köçkün artsaxlıların əksəriyyəti Rusiyadan da daxil olmaqla, təminatların olduğunu nəzərə alaraq, geri qayıtdı”.
Xarici işlər naziri deyib ki, Artsax xalqı Rusiya sülhməramlı qoşunlarının yerləşdirildiyini görüb Artsaxa qayıdıb, lakin indi onlar girov vəziyyətindədir. “İndi biz görürük ki, Azərbaycan sülhməramlıların qırmızı xətlərini geri çəkərək irəliləyir və biz görürük ki, Rusiya tərəfindən müxtəlif dairələrin nümayəndələri diqqətlərinin başqa istiqamətə yönəldiyini və Azərbaycan tərəfinin bundan yaxşı istifadə etdiyini deyirlər. İndi biz başa düşməyə çalışırıq ki, Rusiya tərəfinin bununla bağlı finiş xətti, həddi və ya səbr fincanı varmı”.
Bunun Artsax hakimiyyəti üçün də qırmızı xətt olub-olmaması ilə bağlı suala XİN rəhbəri bildirib ki, bəli, onlar uzun müddətdir bütün istiqamətlər üzrə nəticələr çıxarırlar, lakin bu halda Rusiya sülhməramlılarından konkret addımlar gözləyirlər.
