Laçin dəhlizində keçid məntəqəsinin yaradılması 9 noyabr 2020-ci il tarixli Üçtərəfli Bəyanatın 6-cı bəndinin kobud şəkildə pozulmasıdır.
Bunu Nikol Paşinyan bildirdi.
“Azərbaycan regionda vəziyyəti davamlı olaraq gərginləşdirir, bu dəfə Dağlıq Qarabağı Ermənistanla birləşdirən Laçin dəhlizində qanunsuz olaraq nəzarət-buraxılış məntəqəsi quraşdırır.
Bu, təkcə regionda gərginliyin artırılmasına deyil, həm də Dağlıq Qarabağda yaranmış humanitar böhranın dərinləşməsinə yönəlmiş təxribatçı addımdır. Bu dəfə beynəlxalq ictimaiyyət Laçin dəhlizində Azərbaycan keçid məntəqəsinin quraşdırılmasına aydın qiymət verib. Laçin dəhlizində keçid məntəqəsinin yaradılması 9 noyabr 2020-ci il tarixli Üçtərəfli Bəyanatın 6-cı bəndinin kobud şəkildə pozulmasıdır. Daha əvvəllərdə demişəm ki, 2020-ci il noyabrın 9-dan Azərbaycan üçtərəfli bəyanatın bütün bəndlərini pozub”,- Paşinyan deyib.
Paşinyan qeyd edib ki, bu və bir sıra əvvəlki hərəkətlərinin əsl və dərin məqsədi Dağlıq Qarabağ ermənilərinə qarşı etnik təmizləmə aparmaq və soyqırımı həyata keçirməkdir. Bu, bizim hamımızın, beynəlxalq ictimaiyyətin diqqətində olmalıdır.
