Rusiya Laçın dəhlizi ətrafında vəziyyətin nizamlanması üçün lazımi səylər göstərir. “Armenpress”in məlumatına görə, bu barədə həftəlik brifinqdə Rusiya Xarici İşlər Nazirliyinin rəsmi nümayəndəsi Mariya Zaxarova bildirib.
“Rusiya Xarici İşlər Nazirliyi 24 aprel bəyanatında öz mövqeyini açıq şəkildə ifadə edib. Hazırda Laçın dəhlizi ətrafında vəziyyətin nizamlanması və 9 noyabr 2020-ci il tarixli üçtərəfli razılaşmalara qayıtması üçün həm Rusiya sülhməramlı qoşunları tərəfindən, həm də siyasi səviyyədə lazımi səylər göstərilir”, – diplomat bildirib.
Zaxarova əlavə edib ki, Moskva “rəsmi Yerevanın qarşılıqlı məqbul həll yollarının axtarışına töhfə verməsini vacib hesab edir”.
