Azərbaycanla danışıqların aparılması platformasında asılı olmayaraq, Ermənistan həmişə öz prinsiplərini müdafiə edir: regionda sülhün təmin edilməsi, Ermənistanın sərhədlərinin təhlükəsizliyinin, suverenliyinin, ərazi bütövlüyünün qorunması, Dağlıq Qarabağ ermənilərinin hüquq və təhlükəsizliyinin qorunması.
“Armenpress”in məlumatına görə, bunu jurnalistlərlə keçirdiyi brifinqdə Paramentin Xarici Əlaqələr Komitəsinin sədri Sargis Xandanyan Vaşinqtonda Ermənistan və Azərbaycan XİN başçıları arasında davam edən danışıqlara toxunaraq deyib.
“Tərəflər Vaşinqtondakı danışıqlardan sonra Moskvada danışıqlara başlasalar, bu, çaşqınlıq yaratmayacaqmı?” sualına cavab olaraq deputat qeyd etdi ki, Ermənistanın nöqteyi-nəzərindən çaşqınlıqdan söhbət gedə bilməz, Ermənistan nə istədiyini aydın bilir, o, hər zaman istənilən platformada həmin prinsipləri müdafiə edir. Bunlar regionda sülhün təmin edilməsi, Ermənistanın sərhədlərinin təhlükəsizliyinin, suverenliyinin, ərazi bütövlüyünün, platformasından asılı olmayaraq Dağlıq Qarabağ ermənilərinin hüquqlarının və təhlükəsizliyinin qorunmasıdır.
Rusiya prezidentinin mətbuat katibi Dmitri Peskovun Vaşinqtonda davam edən danışıqlarla bağlı bəyanatına istinad edərək, Xandanyan bildirib ki, 9 noyabr sənədi, əlbəttə ki, çox vacibdir. “Və orada qeyd olunan bir çox müddəalara əməl olunması çox vacibdir. Amma burada sual həm də ondan ibarətdir ki, cənab Peskov Rusiyanın 9 noyabr tarixli üçtərəfli bəyanatda zəmanət verdiyi müddəalara, xüsusən də Laçın dəhlizinin maneəsiz keçməsinə, əsirlərin geri qaytarılmasına və s. niyə təminat vermədiyini demir”.
O, həmçinin qeyd edib ki, Rusiya Federasiyası bütün rəsmi səviyyələrdə regionda sülh, təhlükəsizlik və sabitliyin bərqərar olmasının tərəfdarı olduğunu bəyan edir.
