AB-nin müşahidə missiyasını Ermənistana dəvət etmək qərarı asan olmadı, çünki bu, təhlükəsizliyə zəmanət vermir, lakin yeni çağırışlar yarada bilər.
Bu haqda ER Baş naziri Nikol Paşinyan Praqada Transatlantik Əlaqələr Mərkəzində keçirilən müzakirələr zamanı deyib.
“Digər tərəfdən, beynəlxalq ictimaiyyətin diqqətini Cənubi Qafqaz regionuna yönəltmək bizim üçün vacibdir, çünki bu diqqət tamamilə Ukraynaya yönəlib.
Ermənistan kövrək vəziyyətdədir. Qərbdə bir çox insanlar bizim Rusiyanın vəkil ölkəsi, hökumət olduğumuzu, Şərqdə isə Qərbyönlü siyasət apardığımızı düşünür.
Qərbə gedən qonşularımız deyirlər ki, Ermənistan Rusiyanın yaxın müttəfiqidir və Rusiyaya qarşı necə davranırsa, Ermənistana qarşı da bunu etməyə çağırırlar.
Sonra Moskvaya gedib elan edirlər ki, Ermənistanın baş naziri AB ilə sıx əməkdaşlıq edir və guya diqqəti Şərqdən Qərbə yönəldir. Bu, qonşuların Ermənistana qarşı təcavüzkar siyasəti üçün imkanlar yaradır.
Bəzi ölkələr bu təcavüzkar siyasətin Ermənistanı daha ağıllı edəcəyinə inanırlar. Biz mümkün qədər şəffaf fəaliyyət göstəririk, AB ilə əməkdaşlığın dərinləşdirilməsində maraqlıyıq” – deyə Paşinyan qeyd edib.
