Ermənistan və Azərbaycan liderləri ilə keçirilən üçtərəfli görüşün nəticəsi olaraq Avropa Şurası rəhbərinin Azərbaycanın ərazi bütövlüyü ilə bağlı bəyanatının ilkin variantında səhv rəqəm dərc edilib.
Bu haqda Avropa Parlamentinin mətbuat katibi Barend Leites özünün “Twitter” mikrobloqunda qeyd edib.
Avropa Şurasının sədri üçtərəfli görüşün yekunlarına əsaslanan bəyanatda Ermənistan və Azərbaycanın 1991-ci il Almatı bəyannaməsinə və müvafiq olaraq bir-birinin ərazi bütövlüyünə sarsılmaz sadiqliklərini bir daha təsdiqlədiklərini bildirib.
Avropa Şurasının saytında dərc olunan bəyanatın ilkin variantında Azərbaycanın ərazi bütövlüyünün sayı kimi 89,6 min kvadratkilometr göstərilib, sonradan redaktə edilərək 86,6 min kvadrat kilometr olub.
“Prezident Mişelin mətbuata açıqlamasında səhvə yol verilib. Prezidentə istəmədən səhv nömrə verilib. Azərbaycanın ərazi bütövlüyü üçün düzgün rəqəm 86 min 600 kvadratkilometrdir. Səhv dərhal çap olunmuş versiyada düzəldilib”-deyərək Leites yazıb.
