ER parlamentinin hakim “KP” fraksiyasının üzvü Gevorq Papoyan vurğulayır ki, Ermənistan öz sülh proqramı ilə irəliləməyə davam etməlidir, çünki onun alternativi yoxdur.
Papoyan parlamentdə jurnalistlərlə keçirdiyi brifinqdə Ermənistanın Baş naziri Nikol Paşinyanın Azərbaycanın 86,6 min kvadrat kilometr ərazi bütövlüyünün tanınması ilə bağlı bəyanatlarına istinadən belə münasibət bildirib.
Gevorq Papoyan Ermənistan və Ermənistanın gələcəyi və torpaqları ilə bağlı böyük arzularının olduğunu bildirib.
“Lakin biz bu gün dünyanın vəziyyətini dərk etməliyik. Bizim xalqımız və məmurlarımız, siyasi sistemdə seçim etməlidir. Seçim budur: sülh, ya müharibə və özü də Türkiyə və Azərbaycana qarşı müharibə.
Rusiyanın indiki geosiyasi vəziyyətini nəzərə alsaq, təsəvvür edirik onun mümkün olan dəstək ölçüsü nə qədər ola bilər.
Siz həmçinin dünyanın Artsax məsələsi, ərazi bütövlüyü, xalqların öz müqəddəratını təyinetmə hüququ haqqında nə düşündüyünü bilirsiniz” – deyərək Papoyan bildirib.
O, əlavə edib ki, belə olan halda qərar qəbul edilməlidir: gözlənilən nəticələri olan yeni müharibəyə girmək və onun nəticələrini təsəvvür etməkmi, yoxsa, Ermənistanın müstəqilliyini, süverenliyini müdafiə etməklə sülh yoluylamı getməli? Artsaxda erməni xalqının yaşamaq hüququnuqorumaqmı?.
“Və biz müharibə, macəra və sülh arasında seçim etməliyik. Mən hesab edirəm ki, sülh gündəmi ilə irəliləməyə davam etmək lazımdır.
Çünki müharibə və avantüra Ermənistanın müstəqilliyini itirməsi təhlükəsinə, Ermənistanın müstəqilliyinin yaranmasına və itkisinə səbəb olacaq. onun ərazi bütövlüyünün ən ciddi problemləri yaradacaq ki, onun da alternativi yoxdur.
Gündəmdə başqa variant yoxdur”-deyərək Papoyan qeyd edib.
Deputat qeyd edib ki, o, müxalifətçi deputatlardan bir kəlmə də olsun xatırladan söz eşitməyib, məsələn, hakim partiyanın müzakirə edə biləcəyi nəsə bir cümlə. “Onlar heç nə təklif etmədilər, çünki onların təklifi ya heç bir şeylə, ya da dolayısı ilə yeni müharibə və itkilərlə bağlı olub” – deyərək Papoyan bildirib.
O, vurğuladı ki, hazırda ən vacibi Ermənistanın mövcudluğu, onun ərazi bütövlüyünün qorunub saxlanılması, suverenliyin qorunub saxlanılması, Artsax vətəndaşlarının Artsax ərazisində yaşaması və inkişafı üçün imkanların yaradılmasıdır.
“Hazırda etməli olduğumuz “minimum plan” məhz budur. Gələcəkdə daha yaxşı mövqelərimiz ola bilər, bəlkə də daha çox edə bilərik”- deyə deputat bildirib.
