Mən çox şadam ki, Ermənistanda müsəlman məscidləri var: Nikol Paşinyan

Ermənistana qarşı tənqidlər var ki, Ermənistan monoetnik ölkədir. Bunun hansı ittiham olduğunu anlamaq çətindir. Bunu ER baş naziri Nikol Paşinyan bu gün, mayın 31-də Yerevanda keçirilən Erməni Demokratiya Forumu zamanı deyib.

“Digər tərəfdən, biz xoşbəxtliklə qeyd etməliyik ki, milli azlıqlar bizim parlamentdə təmsil olunur və mən hesab edirəm ki, bu, çox mühüm institusional xüsusiyyətdir”, – Paşinyan deyib və sonra əlavə edib:

“Mən həm də çox şadam ki, Ermənistanda təkcə xristian məbədləri deyil, həm də müsəlman məscidləri, yezidi inanclı məbədlər var. Bu son dərəcə vacibdir”.

Baş nazirin vurğuladığı kimi, Ermənistanda həm erməni katolik icması, həm yevangelist icması, həm də erməni apostol icması mövcuddur.

“Düşünmürəm ki, bu gün hansısa icma onun dini azadlıqlarının pozulduğunu deyə bilməz”,- deyə o əlavə edib.