Ermənistan Təhlükəsizlik Şurasının katibi Armen Qriqoryan bildirib ki, Ermənistanın silah alınması məsələsi ilə bağlı intensiv müzakirələr apardığı bir çox ölkələr var.
İctimai televiziyaya müsahibəsində Armen Qriqoryan vurğulayıb ki, bəzi hallarda artıq nəticələr var və bəzi ölkələrlə danışıqlar davam edir.
Qriqoryan vurğulayıb ki, Ermənistan Rusiyanın Ukrayna ilə müharibəyə probleminin olduğunu və onun imkanlarının silah ixracı üçün kifayət etmədiyini nəzərə alır. “Bütün bunları nəzərə alaraq, Ermənistan başqa resurslar axtarmaq yoluna gedib”, – deyə Qriqoryan bildirib.
Ermənistan Təhlükəsizlik Şurasının katibi onu da qeyd edib ki, əvvəllər müəyyən məhdudiyyətlər olsa da, hazırda Kollektiv Təhlükəsizlik Müqaviləsi Təşkilatının üzvü olması Ermənistanın müxtəlif ölkələrlə əməkdaşlığını məhdudlaşdırmır. “Biz həmçinin təhlükəsizlik sahəsində əməkdaşlığımızı gücləndirmək üçün Qərb tərəfdaşlarımızla intensiv işləyirik və bu işi davam etdirəcəyik”, – deyə Qriqoryan bildirib.
