KTMT əvvəllər digər tərəfdaşlarla təhlükəsizlik sahəsində əməkdaşlığa müəyyən məhdudiyyətlər qoyurdu. Bunu Ermənistan Təhlükəsizlik Şurasının katibi Armen Qriqoryan Ermənistanın Birinci Kanalının efirində deyib.
“Ermənistanın KTMT-də iştirakı müəyyən problemlər yaradır, lakin müxtəlif ölkələrlə əməkdaşlığı məhdudlaşdırmır. Biz təhlükəsizlik sahəsində əməkdaşlığımızı gücləndirmək üçün Qərb tərəfdaşları ilə intensiv işləyirik və bu işi davam etdirəcəyik”, – deyə Qriqoryan bildirib.
Armen Qriqoryan Ermənistanın KTMT-də olmasının nəyə töhfə verməsi ilə bağlı sualı belə cavablandırıb: “2020-ci ildən başlayaraq hər hansı töhfə nümunəsi tapmaq çətin olacaq, çünki Azərbaycan tərəfindən 3 irimiqyaslı müharibə başlayıb və KTMT bu hücumlar zamanı ER-yə heç bir dəstək göstərməyib”, – Qriqoryan bildirib.
Təhlükəsizlik Şurasının katibi onu da qeyd edib ki, Ermənistan Aİ-nin Ermənistandakı mülki müşahidə missiyası kimi alternativləri tapandan sonra KTMT öz köməyini təklif etməyə başlayıb.
“Ermənistan Respublikası 3 dəfə hücuma məruz qalıb və sonda hərbi alyans Ermənistana faktaraşdırıcı missiya təklif edib. Bu ən azı ciddi deyil”.
